Os humanos deberiamos asilvestrarnos. Pero isto non significa vivir nas árbores, nin moitísimo menos, ten que ver coa nosa vida cotiá, de consumo, de relacións, de respecto á nosa contorna..., moi sinxelo cambiar a nosa mirada! Asilvestrarse non consiste en deixar de lavarse nin en xuntarse cunha manda de elefantes. Os seres humanos non cazamos como os dingos, nin ramoneamos como os cervos, nin descompoñemos a materia orgánica como os voitres. Tampouco somos capaces de fertilizar a terra da maneira en que o fan os escaravellos ou as miñocas. Asilvestrarnos implica cambiar os nosos hábitos para permitir que a natureza salvaxe floreza e realice esas funcións, que ao longo da historia estiveron levando a cabo para garantir a vida da nosa contorna e a nosa propia.

5º-6º Primaria

3º-4º Primaria